‘Jef Bezos del në pension’ – Merr me vete pasurinë e tij prej 197 miliard dollarësh

Jeff Bezos ka vendosur të tërhiqet si Ceo i Amazon në moshën 57 vjeç, ai do të mbajë me vete rreth 197 miliardë dollarë, një pasuri marramendëse që është 739,489 herë më shumë se vlera mesatare e një amerikani në moshën 65 vjeç.

Kjo vlerë neto mesatare është 266,400 $, raportoi Business Insider, duke cituar të dhëna nga Rezerva Federale.

Amazon njoftoi në shkurt se Bezos do të hiqte dorë këtë vit dhe do të merrte mantelin e kryetarit ekzekutiv të bordit të gjigandit të tregtisë elektronike.

Ai pritet të kushtojë më shumë kohë për iniciativa si Bezos Earth Fund, kompania e tij e anijes kozmike Blue Origin, The Washington Post dhe Amazon Day 1 Fund, njoftoi CNBC.

Bezos mori një pagë 81,840 dollarë dhe 1,6 milion dollarë kompensim tjetër nga kompania vitin e kaluar, sipas Business Insider.

Pasuria e tij neto shkoi në 75 miliardë dollarë gjatë vitit 2020 ndërsa pandemia COVID-19 çoi shitjet në stratosferë në tregun online të kompanisë së tij, duke rritur ndjeshëm aksionet.

Bezos, i cili bën më shumë para çdo sekondë sesa një punëtor mesatar amerikan në një javë, ka tërhequr kritika për pasurimin ndërsa mijëra punëtorë të Amazon jetojnë në vështirësi ekonomike.

Ai do të zëvendësohet nga Andy Jassy, ​​CEO aktual i Amazon Web Services, platforma cloud e kompanisë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.