Jemi vendi i 3-të më i lirë në Europë – Të dhënat e zyrës zvicerane të statistikave, çmimet në Shqipëri sa 46.5% e BE-së
Zyra Federale e Statistikave në Zvicër ka publikuar një studim të ri, ku krahason të gjitha vendet europiane në bazë të çmimeve të shportës, të shprehura në paritetin e fuqisë blerëse.
Në bazë të këtij studimi, rezulton se, Shqipëria është vendi i tretë më i lirë në Europë, me çmimet më të shtrenjta vetëm se, Maqedonia e Veriut dhe Turqia.
Çmimet në vendin tonë fiksohen në 46.5% të mesatares së të 28 vendeve të Bashkimit Europian. Të dhënat e zyrës federale të statistikave në Zvicër i referohen vitit 2018 ndërkohë që të dhënat janë të Eurostat.
Në bazë të këtyre të dhënave rezulton se, vendi më i shtrenjtë në Europë duket të jetë Islanda, me çmimet sa 154% e mesatares së Bashkimit Europian. Vendi më i lirë ndërkohë është Turqia, me çmimet vetëm sa 40% e mesatares së Bashkimit Europian.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.