Jeni duke menduar për pushime?! Ja çfarë do të gjeni në Parga të Greqisë
Parga është një qytet i njohur detar i Perfekturës së Prevezës, si dhe një destinacion i famshëm pushimi.
I ndërtuar në formën e një amfiteatri, pranë një gjiri piktoresk ky vend ju krijon ndjesinë e një parajse të vërtetë.
Nëse zgjidhni Pargën si destinacionin tuaj për të kaluar pushimet gjatë kësaj vere, mos ngurroni të bëni shëtitje në qytetin e vjetër ku do të shijoni një arkitekturë të shquar, me rrugë prej druri dhe kalldrëm si dhe harqe të bukura të cilat ju kthejnë pas në kohën e shkuar.
Në këtë qytezë do të zbuloni lagje të mbushura me lule ku shtëpitë piktoreske të vogla dhe ndërtesat e larta përfundojnë në pamjen e mrekullueshme të perëndimit të diellit.
Brigjet në këtë zonë janë të shkëlqyera për zhytje si dhe për sporte detare, ndaj argëtimet në këtë ishull nuk do të mungojnë.
Për të mos përmendur shërbimet që plazhet ofrojnë si dhe lehtësira të ndryshme të cilat do ta bëjnë qëndrimin tuaj edhe më të këndshëm.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.