Jeremy Corbyn: Zgjedhjet e përgjithshme do të ndalojnë ‘krizën’ e Brexit
Partia Tory ka “dështuar” Mbretërinë e Bashkuar dhe një zgjedhje e përgjithshme është “ndryshimi i drejtimit që i duhet vendit”– është shprehur në një fjalim Jeremy Corbyn.
Më anë të këtij fjalimi, ai ka theksuar se Mbretëria e Bashkuar po përballet me një “krizë” të Brexit dhe do të zotohet të bëjë “gjithçka që është e nevojshme” për të ndaluar Mbretërinë e Bashkuar të largohet nga BE pa marrëveshje. Ky fjalim i tij, vjen pas një raporti të qeverisë që ka paralajmëruar për mungesat ushqimore dhe ato të ilaçeve në një dalje pa marrëveshje.
Ndërkohë, kancelari John McDonnell, ka deklaruar për BBC, se Z. Corbyn do të takohet me liderë të tjerë politikë britanikë javën e ardhshme për të diskutuar taktikat për të parandaluar një marrëveshje pa Brexit. Ai gjithashtu mbështeti thirrjet që Dhoma e Komunave të tërhiqet “brenda ditëve të ardhshme” për të lejuar deputetët të debatojnë mbi perspektivën e një marrëveshje pa Brexit, dhe parlamenti të mund të rikthehet nëse qeveria i paraqet një kërkesë Kryetarit John Bercoë.
Gove, i cili është përgjegjës për përgatitjen e mosmarrëveshjeve, tha që studimi ndër-qeveritar, i koduar Operacioni ”Yellowhammer”, ishte i vjetër dhe se planifikimi i Brexit ishte përshpejtuar qëkur Boris Johnson u bë kryeministër.
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.