“Jo çdo udhëtim kushton sa një pasuri” – Ja 21 destinacionet ku mund të harxhoni vetëm 20 $ në ditë. Në listë edhe Shqipëria
Jo çdo udhëtim kushton një sa një pasuri. Pak njerëz e njohin botën më mirë sesa blogerët e udhëtimit, veçanërisht kur bëhet fjalë për vendet që mund të vizitohen me çmime të lira.
“Cheapism” bën publik disa blogje, ku gjenden rekomandime për disa destinacione, të cilat mund t’i “përjetoni” vetëm me $ 20 në ditë ose më pak, për ushqim dhe strehim.
Këtu janë disa nga sugjerimet dhe disa nga destinacionet e identifikuara nga kërkimet nëpër faqet e udhëtimit, ku hulumtimet për çmimet në këto vende janë kryer në fillim të muajit korrik.
TAILANDA
Tailanda është një nga destinacionet më të volitshme. Pa marrë parasysh se ku ndodheni në vend – Bangkok, Chiang Mai, Phuket – është e mundur për të ngrënë dhe për të fjetur me pak buxhet. “Ushqimi i shijshëm mund të blihet për 10 baht, pulat e pjekur mund të blihen për 60 baht”, thotë Kyle Stewart, redaktore e udhëtimit për blogun “Live and Let’s Fly”.
VIETNAM
Ky është një tjetër destinacion mahnitës që nuk do të shkoni drejt “falimentit”. Nga Hanoi në Ho Chi Minh City ka ushqime të shijshme dhe vende për të fjetur me çmim të arsyeshëm. “Vetëm javën e kaluar kam blerë një sanduiç në mëngjes për 97 cent”, thotë Stewart.
INDONEZIA
Një vend i përhapur, i përbërë nga mijëra ishuj, Indonezia është një destinacion tjetër ku është e mundur të udhëtosh me pak para. Dhomat në fshatin “Maya Village” mund të kushtojnë vetëm 5 dollarë për një natë, ku përfshihen mëngjesi dhe Wi-Fi falas.
SAMOA
Samoa është “hedhur prapa”, natyrisht e bukur dhe e përballueshme, thotë Anthony Bianco, krijues i “Travel Tart – Tales Offbeat” dhe i apasionuar pas udhëtimeve. “Ju mund të merrni një kasolle druri afër plazhit, për 50 tala samoane, ose $ 20”, thotë Bianco. “Çmimet përfshijnë mëngjesin dhe darkën dhe pjesët janë kaq të mëdha, sa që nuk keni nevojë për drekë”
GJEORGJI
Nate Hake, i cili vizitoi 37 vende, në nëntë muaj dhe krijuesi i faqes Travel Lemming, rekomandon Svanetin në Gjeorgji, për ata që kërkojnë një destinacion të paharrueshëm dhe të përballueshëm. “Svaneti është një rajon i mrekullueshëm malor me kulturën e vet,” thotë Hake.
“Ushqimi mund të jetë aq i lirë, $ 1 për një vakt, ndërkohë strehimi në bujtina kushton më pas $ 10 në natë”
ISLAND CORON, FILIPINE
Kur bëhet fjalë për destinacione të paharrueshme në plazhe, nuk ka më mirë se Coron Island në Filipine, sipas Katharine Cortes, krijuese e blogut “Tara Lets Anywhere”.
“Ka ishujt të mbrojtur, laguna të gjelbëruara, me plazhe dhe liqene “, thotë Cortes, duke shtuar se bujtinat ose dhoma të vetme mund të gjenden mes $ 10 deri $ 12 për një natë, ndërsa për ushqim $ 1 deri në $ 2.
KOLUMBIA
Kolumbia po bëhet një destinacion gjithnjë e më popullor, sipas blogerit Joe Wareham, krijues i “Worlds Away”.
SRI LANKA
Sri Lanka është një ishull në jug të Indisë, i njohur për bukuritë natyrore.
KAMBOXHIA
Është përshkruar si një vend ku mund të paguhet $ 2 për një bujtinë me 2 shtretër.
EGJIPTI
Toka e piramidave antike. Egjipti mund të gjendet në çdo listë, ndaj ju nuk duhet të shpenzoni sa një pasuri për ta vizituar atë. Mund të gjeni dhoma private për $ 12, ku përfshihet edhe mëngjesi.
NIKARAGUA
Kaloje Kostarikën e kushtueshme dhe drejtohuni në Nikaragua, një destinacion tjetër i njohur. Dhomat në El Caite Hostel, ku ndodhet edhe një pishinë, fillojnë nga 14 dollarë. Hotel Pachamama, më pak se dy kilometra nga qyteti, është rreth 13 dollarë për një natë.
POLONIA
Ndryshe nga vende të tilla si Franca, Italia, Spanja, apo shumë destinacione të Evropës Lindore, këtu udhëtarët mund të shpenzojnë fare pak. Polonia, e pasur me histori dhe arkitekturë të bukur rreth çdo kthese, është një shembull kryesor. Dhomat në hotele me dy yje, janë $ 10 në një natë.
SHQIPËRIA
Shumë udhëtarë kanë vizituar Kroacinë, tashmë si një destinacion i ardhshëm. Por Shqipëria duhet gjithashtu të jetë “një radar” për udhëtarët me pak buxhet. Riviera shqiptare, qyteti i këndshëm i Beratit me shtëpitë osmane të bardha dhe kryeqyteti, Tirana janë të gjitha zgjedhje interesante. Dhoma private në Tiranë janë rreth 15 dollarë, ku përfshijnë edhe mëngjesin. Një vakt në një restorant të lirë kushton rreth 650 lekë ose më pak se 5 dollarë.
BOLIVIA
Një vend qendror i Amerikës së Jugut që përfshin malet e Andeve, shkretëtirën e Atacamës dhe pellgun e Amazonës në pjesën jugore, Bolivia është një parajsë për udhëtarët. Për ata që fillojnë në qytetin e La Paz, Residencial Latino ndodhet në qendër të qytetit dhe përfshin mëngjes falas dhe Wi-Fi për 17 $.
GREQIA
Një vend mes ishujve të paharrueshëm, Greqia gjithashtu ofron kushtet për strehim dhe ushqim me çmime shumë të arsyeshme. Në Santorini, një nga ishujt më të paharrueshëm në botë, për një natë në “Fira Backpackers Places” ju paguani 14 $. Darka në një restorant të lirë do të kushtojë rreth 17 dollarë. Sanduiçët që mund të merrni me vete mund t’i blini për rreth 5 dollarë
LAOS
I njohur për terrenin malor, arkitekturën koloniale franceze, vendbanimet e fiseve dhe manastiret budiste, Laosi është një vend në Azisë Juglindore, ku është e mundur të jetosh qetë për 20 dollarë në ditë.
ROATÁN, HONDURAS
Një oqean dhe parajsë për të dashuruarit me plazhin, Roatan është një nga ishujt e Honduras ‘Caribbean Bay, i njohur për vendet e saj të zhytjes dhe jetën detare.
KINA
Dilni nga Pekini dhe është plotësisht e mundur të jetoni vetëm me 20 dollarë në ditë.
NEPALI
Një vend me mrekulli të pafundme natyrore (duke përfshirë tetë nga 10 malet më të larta të botës), Nepali është një nga vendet më pak të zhvilluara në botë. Për fjetjen në Hotel Boutique Shangrila në Katmandu do paguani $ 9, në çmim përfshihet mëngjesi dhe Wi-Fi falas.
INDIA
Një vend i madh me Azinë Jugore, me histori që daton pesë mijëvjeçarë. India është një nga vendet më të lira të planetit për të udhëtuar. Mundësitë këtu janë të pakufizuara. Në Nju Delhi, për shembull, ekziston edhe një listë e gjatë e hoteleve për 10 dollarë ose më pak.
EKUADORI
Një opsion i fundit për udhëtarët që duan të kursejnë, është Ekuadori, ku përfshihet xhungla e Amazonës, malet e Andeve dhe Ishujt Galapagos. Nëse po e përdorni kryeqytetin Quito-s si pikënisje, provoni Hostel Revolution, në qendrën e vjetër të qytetit. Për fjetjen çmimet nisin nga 9 dollarë, ku përfshihet edhe Wi-Fi falas.
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.