Jo frikë për Gjermaninë – Weidmann: Ekonomia nuk është në pikën e kthesës
Ka pasur sinjale të shumta gjatë kohëve të fundit që flasin për një ngadalësim të mundshëm të ekonomisë gjermane, që është edhe ekonomia më e madhe në Eurozonë.
“Pavarësisht këtyre shenjave, nuk ka asnjë arsye për t`iu frikësuar idesë se, Gjermania mund të jetë në një pikë kthese”, deklaroi kreu i Bankës Qendrore të Gjermanisë, Jens Weidmann. “Ne kemi disa sinjale se tremujori i parë nuk ka qenë i mahnitshëm. Por, ne sigurisht që nuk mund të lokalizojmë asnjë arsye për të parë një kthesë të ekonomisë në këtë pikë”, nënvizoi ai.
Vrulli i ekonomisë gjermane gjatë viteve të fundit ka qenë shtysa kryesore për të gjithë ekonominë europiane, sidomos të vendeve që ndajnë monedhën europiane. Humbja e këtij vrulli tashmë, gjë që është edhe fakt, ka ngritur shqetësime të shumta jo vetëm në Gjermani por në të gjithë Europën. Fjalët e Weidmann qetësojnë kështu shumëkënd në kontinent.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.