Jorida Tabaku nga pikëpyetjen: Çfarë po ndodh me sistemin e Thesarit? Nuk funksionon prej 10 ditësh. Ka dy shpjegime

Ish deputetja e Partisë Demokratike Jorida Tabaku hedh dyshime për mosfunksionimin e thesarit të shtetit. Në një postim në rrjetet sociale, Tabaku shkruan se “që prej datës 2 Gusht sistemi i thesarit online nuk funksionon!”

“Që kjo qeveri ka thyer çdo standart transparence është e qartë! Nuk publikohen me tenderat online, nuk dalin më vendimet e qeverisë në fletoren zyrtare, as dekretet e presidentit, nuk publikohen më ligje në faqen e Kuvendit.

Faktikisht, nuk ka me asnjë mënyrë se si të aksesosh dokumente zyrtare!  Por fakti që sistemi i thesarit nuk funksionon prej më shumë se 10 ditësh do te thotë dy gjëra; ose janë duke kryer pagesa e rimbursime që duan t’i mbajnë të fshehta ose qeveria shqiptare ka më shumë se 10 ditë që nuk bën pagesa pasi qeveria nuk ka më parà!” shkruan Tabaku. Më tej, ish deputetja shprehet se është në pritje të reagimit të ministrisë së Financave.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.