Ju pëlqejnë tatuazhet?- Lexoni këto 5 këshilla përpara se të bëni një të tillë
Mësoni tolerancën që keni ndaj dhimbjes
Nuk ka asgjë të keqe të shtyni veten tuaj por kur të bëni tatuazhin tuaj të parë do të ishte mirë të respektonit kufijtë e trupit tuaj. Nëse jeni shumë të ndjeshëm atëherë shmangni zgjedhjen e brinjëve, pjesën e pasme të gjunjëve, bërrylat si dhe të gjitha zonat delikate. Konsultohuni më parë me personin për të mësuar se ku do të ishte më e përshtatshme ta bënit tatuazhin.
Mos shkoni në një vend të lirë
Nëse nuk njihni dikë për tatuazhe atëherë ju nuk mund të futeni në studion e parë që gjeni. Ju po e ndryshoni trupin tuaj përjetë kështu që merrni pak më shumë kohë dhe zgjidhni një vend të mirë e cilësor dhe jo një nga ato studio e lira ku ju nuk keni siguri jo vetëm për figurën që do të bëni por edhe për mjetet që përdoren.
Zgjidhni me kujdes
Pavarësisht sa të dashuruar mund të jeni për momentin kini parasysh se emri ipersoni tuaj të zemrës apo inicialet tuaja nuk janë kurrë të rekomandueshme. Jetës asnjëherë nuk i dihet kështu që një gjë të cilën nuk mund ta hiqni dot kurrë duhet ta mendoni mjaft mirë.
Merrni dikë me vete
Nëse po shkoni për të bërë një tatuazh merrni gjithnjë dikë me vete. Sugjerohet që të jetë dikush i cili ka bërë tatuazh më parë dhe ka patur një eksperiencë të mirë. Nëse keni dikë me të cilin mund të flisni atëherë i gjithë procesi i tatuazhit do të kalojë pa u ndjerë. Gjithashtu nëse po bëni një tatuazh në një vend ku nuk mund ta shihni, miku juaj mund t’ju mbajë të informuar për progresin.
Ndiqni udhëzimet që duhet
Artisti që do t’ju bëjë tatuazhin në fund do t’ju japë disa këshilla. Është shumë e rëndësishme që t’i vini veshin e t’i ndiqni me përpikmëri këto këshilla pasi lëkura juaj do të jetë mjaft e ndjeshme për pak kohë dhe do të ketë nevojë për përkujdesje.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.