Juncker, optimist për Brexit: “Marrëveshja do të ndodhë në Nëntor, nuk ka skenar negativ”
Bashkimi Europian do të arrijë një marrëveshje për Brexit me Britaninë në muajin Nëntor, nëse dështon ta bëjë gjatë Tetorit, sipas Presidentit të Komisionit Europian, Jean-Claude Juncker. Ai shton se nuk do të ketë Brexit pa marrëveshje, pasi nuk do të ishte pozitive për Britaninë dhe Bashkimin Europian.
Bashkimi Europian do të arrijë një marrëveshje për Brexit me Britaninë në muajin Nëntor, nëse dështon ta bëjë gjatë Tetorit, sipas Presidentit të Komisionit Europian, Jean-Claude Juncker.
Juncker tha se potenciali për një ndryshim të qasjes mes 2 vendeve është rritur në ditët e fundit. “Nuk jemi aty ende, por vullneti jonë për të arritur në një mirëkuptim me qeverinë britanike është rritur. Duhet të largohemi nga skenari i daljes pa dakordësi, pasi nuk do të ishte pozitiv për Britaninë dhe Bashkimin Europian”, tha Juncker.
Junkcer tha se pret që të arrihet një dakordësi mbi kushtet e daljes, por që nuk e parashikon nëse kjo do të ndodhë në Tetor. “Nëse nuk ndodh, atëherë Nëntori do të jetë vendimtar”, tha Juncker.
Negociatorët e Brexit në BE mendojnë se marrëveshja e divorcit është fare pranë, duke sinjalizuar se mund të arrihet një kompromis për çështjen më të vështirë, që është kufiri i Irlandës.
Junkcer shtoi se deklarata politike për marrëdhënien e ardhshme mes Britanisë dhe Bashkimit Europian, është e nevojshme pas marrëveshjes së Brexit.
“Nuk mund të ndahet traktati i daljes dhe deklarata për marrëdhënien e ardhshme mes Mbretërisë së Bashkuar dhe Europës”, tha ai.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.