Juncker paralajmëron për Brexit – Pavarësisht shtyrjes më 31 Tetor, rrezikon dalja pa marrëveshje
Presidenti i Komisionit Europian, Jean-Claude Juncker, tha se pavarësisht zgjatjes me 6 muaj të Brexit, Mbretëria e Bashkuar rrezikon ende të dalë pa një marrëveshje nga Europa. Juncker i bëri thirrje Britanisë që të përfitojë plotësisht nga vonesa e Brexit deri më 31 Tetor, për të nxjerrë detajet e daljes nga Bashkimi Europian. “Shpresoj që britanikët do të përfitojnë nga koha dhe të mos ta shpërdorojnë përsëri”, tha ai.
Sipas tij, askush nuk e di se si do të përfundojë Brexit dhe ka ende shqetësime të një daljeje pa marrëveshje. Marrëveshja e negociuar nga Kryeministrja Theresa May, u refuzua 3 herë nga parlamenti britanik, përpara se ajo të pranonte periudhën e zgjatur më herët gjatë muajit. Më herët gjatë javës, presidenti i Këshillit, Donald Tusk, tha se dëshira që Britania të heqë dorë nga Brexit mund të mos jetë larguar dhe i bëri thirrje politikanëve që të mos nxitojnë me negociatat.
Tusk tha se po i përgjigjej deklaratës së një lideri kombëtar që kishte paralajmëruar se Brexit nuk do të kthehet. Fillimisht nuk ishte e qartë se cilit lider po i referohej, por presidenti francez, Emmanuel Macron, bëri thirrje gjatë samitit që Britanisë t’i jepen vetëm pak javë kohë që të vendosë nëse do të dalë me marrëveshje apo pa një të tillë.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.