Ka prodhuar vetëm 7 makina miliona dollarëshe në gjithë botën – Prodhuesi synon tregun elektrik të automjeteve
Prodhuesi i një ‘supermakine’ prej 3.4 milion dollarësh dhe me shpejtësi prej pothuajse 400 kilometër në orë është shprehur se është koha e duhur për të synuar një klientelë më të gjerë duke nisur elektrifikimin e automjeteve.
Kompani e automjeteve luksoze W Motors me bazë në Dubai ka punësuar një bankë investimesh Guggenheim Partners për të ndihmuar në rritjen e një fondi prej 100 milion dollarësh për të mbështetur zgjerimin dhe shtytjen e tij në automjete elektrike, tha themeluesi Ralph Debbas në një intervistë.
Fondet e reja do të shkojnë drejt një fabrike të re në Dubai, ndërtimin e inventarit, hulumtimit dhe zhvillimit. “Qëllimi përfundimtar që nga fillimi ishte krijimi i një industrie të plotë kur bëhet fjalë për automobilitetin dhe lëvizshmërinë në të ardhmen”, tha Debbas. “Tani është koha për t’i zhvilluar këto gjëra në Dubai dhe të nisim përhapjen e tyre në një nivel global.”
Makina e krijuar nga Debbas ka marr një famë ndërkombëtare pasi automjeti është shfaqur në skenat e filmit “Fast & Furious 7” dhe janë vetëm 7 prej tyre në gjithë botën.
Duke lëvizur me kohën, kompania tani po shikon një version elektrik që do të dalë në shitje duke filluar nga 600,000 dollarë. Qëllimi i Debbas është të sigurojë 500 prej tyre në 4 deri në 5 vitet e ardhshme.
W Motors, në pronësi të Debbas dhe investitorëve të tjerë të Lindjes së Mesme, po kërkon të shpërthejë në një treg ku Porsche tashmë ka prezantuar një model elektrik duke u ndjekur nga marka të tjera të automjeteve luksoze dhe sportive.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.