‘Kalim i paligjshëm i kufirit’ – Policia arreston në flagrancë dy shtetas

Policia e Shtetit ka publikuar njoftimin mbi një tjetër rast të kalimit të paligjshëm të kufirit, kundrejt fitimit, duke arrestuar kështu në flagrancë dy shtetas.

Specialistët për hetimin e trafiqeve të paligjshme në DVP Kukës arrestuan në flagrancë shtetasit:

-B. D., 29 vjeç, banues në Tiranë;

-M. R., 22 vjeç, banues në Tiranë, ka bërë me dije Policia.

Sipas njoftimit arrestimi i tyre u bë pasi u kapën në flagrancë duke transportuar 12 shtetas sirianë, të cilët nuk dispononin dokumente identifikimi.

Materialet i kaluan për veprime të mëtejshme Prokurorisë së Rrethit Gjyqësor Kukës, për veprën penale “Ndihma për kalim të paligjshëm të kufijve”, mbyllet njoftimi i policisë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.