“Kalojnë” financat vendore – Ahmetaj: Risitë, transferta e pakushtëzuar e disiplinimi fiskal

Komisioni parlamentar i Ekonomisë miratoi projektligjin “Për financat e vetëqeverisjes vendore”, duke hapur rrugën që nisma e qeverisë që të votohet në seancë plenare.

Projektligji parashikon të drejtën e bashkive për të vendosur deri 2 taksa të përkohshme në një periudhë jo më shumë se tre vjet.

Ministri i Financave, Arben Ahmetaj, the se disa nga risitë e këtij projektligji janë rritja e transfertës së pakushtëzuar nga buxheti i shtetit dhe disiplinimi i financave vendore.

Ministri Ahmetaj pranoi se gjatë konsultimit të këtij projektligji me grupet e interesit, ka pasur debate me drejtuesit e bashkive. Pretendimet e tyre sipas tij, kanë qenë kërkesat për më shumë fonde.

Lidhur me të ardhurat që vijnë nga taksat vendore, bashkitë kanë të drejtë t’i administrojnë taksën mbi pasurinë e paluajtshme, në të cilën përfshihen:

• Taksa mbi ndërtesat, mbi tokën bujqësore dhe mbi truallin;
• Taksa e ndikimit në infrastrukturë nga ndërtimet e reja;
• Taksa vendore mbi veprimtarinë e shërbimit hotelier;
• Taksa e tabelës;
• Taksa vendore e përkohshme;
• Taksa vendore mbi veprimtarinë ekonomike të biznesit të vogël;
• Taksa vendore mbi të ardhurat vetjake si trashëgimitë dhe testamentet

Florenc Drizari/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.