Kalon sitën e Vetting-ut – Gjyqtarja Manjola Xhaxho kalon testin rikonfirmohet në detyrë
Manjola Xhaxho bëhet gjyqtarja e dytë që kalon me sukses testin e Vetting-ut. Komisioni i Pavarur i Kualifikimit konfirmoi në detyrën Xhaxhon, e cila mund të vijojë karrierën pranë Gjykatës së Tiranës. Xhaxho kaloi me sukses testin për të tre komponentët e rivlerësimit: atë të pasurisë, të pastërtisë së figurës, si dhe të profesionalizmit.
Nga kontrolli i pasurisë së saj, Komisioni i Pavarur i Kualifikimit konkludoi se Xhaxho nuk zotëron pronë të vetën dhe banon me prindërit në një apartament 2+1 më Tiranë. E vetmja pikë për të cilën gjyqtares ju desh të jepte sqarime ishte mungesa e deklaratës së të ardhurave në vitin 2006. Sipas shpjegimeve të vetë Gjyqtares, në atë vit, ajo kishte ndjekur studime jashtë vendit.
Manjola Xhaxho bëhet e dyta gjyqtare që kalon sitën e Vettingu-ut duke u konfirmuar në detyrë. Këtë test përpara saj ka arritur ta kalojë vetëm Vitore Tusha e Gjykatës Kushtetuese. Ndërkohë që Vetting-u a rrëzuar dy gjyqtarë të tjerë të Kushtetueses, bashkë me një gjyqtar të apelit të Durrësit.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.