Kalonte kufirin me motoçikleta të vjedhura – Policia arreston shtetasin në Kakavijë
Policia e Shteti ka arrestuar një shtetas në Doganën e Kakavijës.
Sipas njoftimit shtetasi është arrestuar në flagrancë për veprat penale “Trafikim i mjeteve motorike” dhe “Kalim i paligjshëm i kufirit”.
Arrestimi u realizua në kuadër të operacionit me FRONTEX, ku ka për qëllim monitorimin e kufirit dhe parandalimin e trafikimeve të paligjshme, nga patrullat e përbashkëta me FRONTEX.
Policia tha se shtetasi D.R u kap në vendin e quajtur “Mulliri”, në afërsi të vijës së gjelbër kufitare me Greqinë, duke transportuar një motoçikletë.
Sipas njoftimit nga verifikimet e kryera rezultoi se motoçikleta ishte vjedhur në shtetin Grek. Gjithashtu, specialistët e seksionit për Hetimin e Trafiqeve në D.V.P. Gjirokastër bënë arrestimin e shtetasit : D.R., 52 vjeç, banues në fshatin Kashisht, Fier.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.