Kalvari për një legalizim, Rama: Vijojnë ndëshkimet për abuzuesit e administratës
Legalizimet dhe lejet e ndërtimit janë dy nga problemet ku qytetarët hasin në burokracitë më të mëdha.
Kryeministri Edi Rama është shprehur se do të vijojnë masat administrative dhe penale për këdo në administratë që krijon burokraci. Sipas kryeministrit masat e marra nga Task-Forcë do të bëhen çdo javë publike nga Ministria e Drejtësisë.
Ndërsa referuar arsimit kryeministri u shpreh se po hynë në fazën e tretë të reformës në arsim. Në këtë fazë do të bëhet ristrukturimi i rrjetit të drejtorive dhe transformimi i shërbimeve arsimore.
Këto deklarata kryeministri Edi Rama i bëri gjatë dëgjesës me qytetarët, të cilët kishin gjetur zgjidhje për problemet e tyre në portalin për bashkëqeverisjen.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.