Kanada – SHBA arrijnë marrëveshjen për të zëvendësuar “NAFTA”

Shtetet e Bashkuara të Amerikës dhe Kanadaja kanë rënë dakord për një marrëveshje që zëvendëson Marrëveshjen e Tregtisë së Lirë të Amerikës së Veriut. Lajmi është bërë i ditur nga një zyrtar i lartë i administratës së SHBA-së, raporton CNBC.

Me marrëveshjen e re të quajtur USMCA (Marrëveshja Shtetet e Bashkuara-Meksiko-Kanada), po planifikohet që udhëheqësit e këtyre tri vendeve të nënshkruajnë para fundit të nëntorit, ku më pas do të paraqitet në Kongres.

Sipas zyrtarit amerikan, marrëveshja do të ‘ribalancojë marrëdhëniet tregtare të SHBA-së me Meksikën dhe Kanadanë, duke vënë theksin te rregullat e reja mbi origjinën e automjeteve dhe qasjen në treg në sektorin e qumështit të Kandasë. Ndërkohë, shtoi se kjo është edhe marrëveshja më e zbatueshme tregtare që ka SHBA ka pasur ndonjëherë.

“Kjo do të jetë reale dhe do të ndryshojë jetën e njerëzve, si dhe do ta bëjë ekonominë e SHBA-së më të fortë”, u shpreh ai.

Marrëveshja gjithashtu synon të modernizojë atë që u mbulua nga NAFTA, duke shtuar dispozita mbi tregtinë digjitale dhe pronësinë intelektuale.

Kanadaja, partneri i dytë më i madh tregtar i Amerikës, u la jashtë kur SHBA arriti marrëveshjen me Meksikën për të zhbllokuar paktin e tregtisë së lirë të Amerikës së Veriut.

Ndërkohë, kryeministri kanadez, Justin Trudeau, ishte shprehur më herët para gazetarëve në Nju Jork se dy vendet  d të vazhdojnë të punojnë për të gjetur alternativa lehtësuese mbi tregtinë mes vendeve.

G.D/SCAN

SHBA-Meksikë, ok për “Nafta” – Arrihet marrëveshja, mungon vetëm Kanadaja

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.