Kanadaja dhe Brazili – Shtetet qe do të goditen më rëndë nga tarifat e çelikut të Trump

Presidenti Trump njoftoi të enjten se Shtetet e Bashkuara do të vendosin një tarifë prej 25 për qind mbi importet e çelikut dhe një tarifë prej 10 për qind mbi importet e aluminit që në fillim të javës së ardhshme.

Alcoa, një nga prodhuesit më të mëdhenj të aluminit në botë, protestoi për masën e Presidentit Trump, duke argumentuar se disa partnerë tregtarë duhet të kursehen nga taksat.

“Industria e aluminit ka një zinxhir furnizues të integruar dhe nuk duhet të penalizojmë ata që i përmbahen rregullave. Ne do të vazhdojmë të punojmë për një zgjidhje të përshtatshme për të gjitha palët”, shprehet Alcoa.

Sipas një raporti të vitit 2017 nga Departamenti Amerikan i Tregtisë, Kanadaja dhe Brazili do të mbajnë peshën e tarifës së çelikut të vendosur nga Trump.

Sipas Departamentit të Tregtisë Ndërkombëtare dhe “IHS Global Trade”, çeliku kanadez dhe brazilian përbënin 16 për qind dhe 13 për qind të importeve të çelikut të SHBA deri në shtator të vitit 2017. Kina, shpesh e kritikuar politikisht për hedhjen e çelikut të lirë në treg, nuk është një nga 10 importuesit më të mëdhenj të çelikut në SHBA.

Si përgjigje, zyrtarët kanadezë premtuan se do t’i përgjigjen tarifave të SHBA; Ministri kanadez i Tregtisë, Francois-Phillippe Champagne, tha se taksat do të ishin “të papranueshme” dhe tha se do të marrë masa për të mbrojtur punëtorët e vendit. Burime të tjera të çelikut përfshijnë Korenë e Jugut, Meksikën dhe Rusinë.

SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.