Kanadaja, investim 1 trilion dollarë për të monitoruar mbeturinat e rrezikshme të hapësirës

Kanadaja është duke bashkëpunuar me një kompani të dhënash për të nisur një sistem satelitor për të monitoruar mbeturinat potenciale të rrezikshme të hapësirës.

Qeveria Kanadeze arriti një marrëveshje me NorthStar Earth dhe Space, një kompani që shpreson të përdorë inteligjencën artificiale dhe analitikat e të dhënave për të parashikuar me saktësi përplasjet potenciale me mbeturinat dhe objekte të tjera në hapësirë.

Projekti është duke tërhequr interes për shkak të shqetësimeve në rritje rreth rreziqeve që paraqiten për satelitët nga rreth 600,000 copa të mbetura të mbeturinave që lundrojnë në orbitën e Tokës.

“Kjo marrëveshje na vë në një pozitë të fortë për të punuar me Shtetet e Bashkuara, Mbretërinë e Bashkuar dhe vendet e tjera për të ofruar shërbimet tona” u shpreh CEO i “NorthStar” Stewart Bain.

“Partneritetet janë të rëndësishme në një botë ku ekzistojnë pikëpamje alternative për të ardhmen e hapësirës”, tha ai.

Përdorimi i këtyre satelitëve gjithashtu ndihmon në një ekonomi të “hapësirës së re”

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.