Kanadaja miraton vaksinën e Pfizer. Vendi i tretë pas Britanisë dhe Bahreinit, pritet vaksinimi javën e ardhshme
Kanadaja miratoi vaksinën e parë të Covid-19, duke krijuar mundësinë për shpërndarjen e injeksioneve të Pfizer në javën e ardhshme. Kanadaja është vend ii tretë pas Britanisë dhe Bahreinit që i jep dritën e gjelbërt vaksinës së Pfizer, që është zhvilluar në bashkëpunim me gjermanen BioNTech.
“Miratimi i vaksinës mbështetet nga provat se është e sigurtë, efektive dhe me cilësi të lartë”- deklaroi rregullatori shëndetësor i Kanadasë, pasi e autorizoi për përdorim për personat nga 16-vjeç e sipër. Vaksina u miratua nën një system të rishikimit të brendshëm dhe të përshpejtuar , të ngjashëm me Shtetet e Bashkuara. Administrata e Barnave dhe Ushqimeve në SHBA, pritet të vlerësojë vaksinën Pfizer këtë javë, për ta autorizuar për përdorim.
Ditën e Matë, një qytetare britanike u bë personi i parë që merr vaksinën jashtë provave klinike, ndërkohë që vendi e miratoi vaksinën javën e ardhshëm . Në provat e fazës së fundit, vaksina ka treguar 95% efektshmëri në parandalimin e sëmundjes. Megjithatë, rregullatori i barnave në Britani, ka këshilluar që njerëzit me histori të alergjive, të mos marrin vaksinën, pasi 2 njerëz raportuan reagime negative në ditën e parë të vaksinimit. Gjatë pyetjeve mbi reagimet alergjike, autoritete kanadeze bënë të ditur se ky është një rrezik i shoqëruar me çdo vaksinë, por rekomanduan se njerëzit që kanë pasur reagime të këqija ndaj çdo ingredient të vaksinës, të mos e marrin. Autoritetet deklaruan se do monitorojnë zhvillimet në Britani, për të parë çfarë ndikimi do të ketë.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.