Kanadaja nuk prodhon më punë – Bie punësimi, por pagat rriten me një hap rekord
Në mënyrë të papritur, ekonomia kanadeze ka ulur vendet e punës gjatë muajit Maj, ndërkohë që punësimi është ngadalësuar në manifakturë dhe ndërtim, tregojnë të dhënat më të fundit, por, njëkohësisht, këto të dhëna flasin për rritjen më të madhe të pagave në 6 vite, që mund t`i japë bankës qendrore një arsye të fortë për të rritur normat e interesit që në takimin e Korrikut.
endet e punës në Kanada ranë kështu me 7500 gjatë majit, tregon zyra e statistikave në vend, ndërkohë që pritshmëritë flisnin për një rritje mbi 15 mijë. Norma e papunësisë ndërkohë mbetet e pandryshuar në 5.8%. Sa i përket pagave, të dhënat flasin për një rritje të mesatares në orë me 3.9%, krahasuar me të njëjtën periudhë të një viti më parë.
Një shifër e tillë është regjistruar vetëm në Korrik të vitit 2012. Banka e Kanadasë po vëren me vëmendje rritjen e të ardhurave duke vlerësuar kështu ndërhyrjen në normat e interesit.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.