Kandidati për kryesinë e BE: Brexit ishte një “gabim i Europës”

Brexit ishte një “gabim i BE”, tha të martën një kandidat konservator që është në garë për të zëvendësuar Jean-Claude Juncker për punën më të lartë në Europë.

Jan Zahradil, president i Aleancës së Konservatorëve dhe Reformistëve në Europë (ACRE), tha se blloku kishte gabuar të refuzonte lëshimet e Britanisë përpara referendumit të 2016-ës.

Deputeti çek, i cili njihet dhe si një fans i madh i muzikës ‘heavy-metal’, ishte i fundit në mesin e atyre që konkurronin për t’u bërë president të Komisionit Europian, që u paraqit në emisionin “Raw Questions” të Euronews.

“Brexit ishte një gabim i BE-së që lejoi një nga anëtarët më të fuqishëm dhe më të suksesshëm të largohen”, tha Zahradil. “Unë besoj se nëse David Cameron-it i ofrohej diçka gjatë atyre negociatave të para, të cilat ai mund ti kthente në vendin e tij si një sukses apo si një koncesion të BE-së, mund të kishte pasur një rezultat tjetër të referendumit”.

Ai gjithashtu tha se BE duhet të jetë më e ashpër ndaj Iranit dhe se një plan për të qenë neutral ndaj karbonit deri në vitin 2050 është jorealist.

Burimi: Euronews

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.