Kapaciteti i gazit nga tap – ERE miraton vendimit: Testim tregut për zgjerimin e kapacitetit në pikat e interkonjeksionit
Enti Rregullator i Energjisë ka miratur Udhëzuesin e vitit 2021 për Testimin e Tregut të Gazsjellësit Trans Adriatik, që synon zgjerimin e kapacitetit në pikat e interkoneksionit të vendeve ku kalon tubacioni e ku përfshihet edhe Shqipëria.
Sipas vendimit, kompania TAP AG ka filluar një proces koordinimi me Operatorët fqinjë të Sistemit të Transmetimit, në mënyrë që zgjerimi i TAP të jetë në përputhje me zgjerimin e pikave përkatëse të interkoneksionit dhe të ketë në linjë, për aq sa është e mundur, parashikimet e Opinionit të Përbashkët Përfundimtar dhe parashikimet e rregullores së parlamentit dhe Këshillit të Evropës të ri, me reference të veçantë në kohën dhe fazat për ofrimin e kapacitetit rritës.
TAP nisi operimet tregtare në nëntor të vitit 2020, duke bërë të mundur aksesin e gazit të fushave të Shah Deniz në Azerbajxhan të aksesohet në tregjet europiane përmes këtij rrejti gazi. Kur njoftoi nisjen e operimeve, TAP bëri me dije se “do të transportojë 10 miliardë M3 gaz, ndërkohë që ai është dizajnuar me potencialin për t’u dyfishuar në kapacitet drejt 20 miliardë m3 gaz”. Gazsjellësi Trans Adriatik kalon në tre shtete: në Greqi në 550 kilometra, Shqipëri 215 kilometra, nën detin Adriatik 105 kilometra dhe në brigjet e Italisë 8 kilometra. Gjurma e TAP-it mund të lehtësojë furnizimin me gaz në një sërë vendesh të Evropës Juglindore, ndërkohë që edhe Shqipëria synon shfrytëzimin e tij, kryesisht për industrinë, por edhe për përdorim të gjerë në popullatë.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.