Kapitali shqiptar – Peshë në rritje në sistemin financiar

Kapitali vendas po fiton një peshë në rritje në sistemin financiar të vendit. Mbështetur në të dhënat e Shoqatës Shqiptare të Bankave, në fund të shtatorit 2017, bankat me kapital shqiptar zotëronin pak më shumë se 18% të tregut, nga 17.1% që mbanin në fund të vitit 2016.

Sipas klasifikimit zyrtar, bankat tregtare me kapital shqiptar janë aktualisht dy, Credins Bank dhe Union Bank.

Të dy bankat e mësipërme e kanë rritur pjesën e tyre të tregut gjatë 2017, duke u konfirmuar ndër aktorët më dinamikë në vitet e fundit. Credins është banka më e madhe shqiptare, me afro 12.06% të tregut, e ndjekur nga Union Bank 3.13%.

Kapitali shqiptar vazhdon të ketë një peshë të lartë edhe në tregun e sigurimeve. Zbarkimi i investitorëve të huaj në këtë treg është frenuar prej vitesh, pas blerjeve të bëra nga Uniqa Group Austria dhe Vienna Insurance Group.

Aktualisht, kompanitë në kontrollin e këtyre grupeve mbajnë 51% të tregut, ndërsa pjesa e mbetur i takon kompanive shqiptare.

Mes kompanive shqiptare dominon Eurosig, që duke përfshirë dhe kompaninë e kontrolluar Insig jo-jetë, zotëron rreth 28% të tregut.

Ersuin Shehu/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.