Karantina ul nivelin e karbonit si në 2006-ën, por ende e pamjaftueshme / Ulja më e madhe një-vjeçare që nga Lufta e Dytë Botërore

Një diskurs mjedisor po shfaqet mes pandemisë së koronavirusit: Shumë njerëz kanë ndalur fluturimin dhe nuk po shkojnë drejt punës me makina, duke çuar në një rënie drastike të emetimeve të karbonit.

Një studim i publikuar në revistën Nature Weather Change zbulon se emetimet globale të karbonit në ditë në prill ishin 17% më të ulëta se emetimet mesatare ditore në 2019. Rezultatet treguan se emetimet mesatare ditore u ulën me 18.7 milion tonë metrikë karboni në krahasim me vitin e kaluar . Ky është një nivel i shkarkimeve të krahasueshme me vitin 2006.

“Ne do të shohim që emetimet globale të karbonit të bien të paktën 4% këtë vit dhe ndoshta 7% ose 8%,” Robert Jackson, një bashkautor i studimit të ri dhe kryetar i Projektit Global Carbon, parashikoi për vitin 2020. “Sido që të jetë, do të jetë rënia më e madhe një vjeçare që nga Lufta e Dytë Botërore, por gjithsesi e pamjaftueshme.”

D.B – SCAN
Burimi: Business Insider

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.