Katalonja vendoset në shtetrrethim – Autoritetet: Qëndroni në shtëpi, mos dilni natën

Autoritet në Katalonja kanë vendosur një shtetrrethim për pjesën më të madhe të rajonit autonom, përfshirë këtu kryeqendrën e Barcelonës. Kështu, banorëve u është bërë thirrje të qëndrojnë në shtëpi e të mos dalin për arsye jo të  domosdoshme. Vendimi vjen pasi shifrat e ditëve të fundit sinjalizojnë një rritje të ndjeshme të kurbës së infeksioneve me Covid-19 në rajon. Ndër të tjera autoritetet I kanë bërë thirrje banorëve që të shmangin grumbullimet shoqërore, daljet natën, si dhe aktivtetet kulturore.

Në publik dhe privat ndalohen gjithashtu grumbullimet e më shumë se 10 personave. Bizneset jo-thelbësore do të duhet ti presin tanimë klientët e tyre vetëm nëpërmjet takimeve të prenotuara. Bëhet fjalë për rreth 4 milionë banorë të prekur nga urdhrat e reja të autoriteteve lokale në Katalonjë. Vendimi shkaktoi kaos mes banorëve, një pjesë e madhe e të cilëve u përpoqën të largohen nga rajoni duke shkaktuar edhe radhë të gjata makinash.

Nëse pandemia do të vijojë me këtë hap, atëherë do të duhet të marrim masa edhe më drastike, deklarojnë autoritetet lokale. Masat e reja do të qëndrojnë në fuqi për të paktën 2 javë. Katalonja prej kohësh e ka të detyrueshme vendosjen e maskës, si në ambiente të mbyllura ashtu edhe jashtë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.