Katër ‘gjigandët’ e teknologjisë do të dëshmojnë përpara Kongresit Amerikan për praktika abuzive ndaj konkurrencës

Drejtorët e Përgjithshëm të katër gjigandëve të teknologjisë do të paraqiten para Kongresit javën e ardhshme, ku ata do të duhet të mbrojnë fuqinë në rritje të kompanive të tyre ndaj ligjvënësve skeptikë.

Drejtori i Përgjithshëm i Amazon, Jeff Bezos, CEO i Apple Tim Cook, CEO i Facebook Mark Zuckerberg dhe Sundar Pichai i Alphabet, i cili zotëron Google dhe YouTube, do të dëshmojnë si pjesë e një hetimi të vazhdueshëm nga nënkomiteti i Antitrustit të Gjyqësorit të Shtëpisë për mbizotërimin e platformave dixhitale.

Që nga qershori, nënkomiteti ka mbajtur seanca dëgjimore me konkurrentë më të vegjël, të cilët kanë dëshmuar për praktikat e supozuara monopoliste që kanë kryer këto kompani. Tani, të katër titullarët e kompanive të teknologjisë do të paraqiten së bashku për t’iu përgjigjur pyetjeve bazuar në gjetjet e komitetit.

Për shkak të pandemisë globale në vazhdim, CEO-të pritet të shfaqen nga distanca përmes video-thirrjeve. Ligjvënësit shpresojnë të mbajnë seancat dëgjimore brenda një dite dhe duke marrë parasysh shtrirjen e çështjeve në tryezë, kjo nuk do të jetë detyrë e lehtë.

Burimi: https://www.businessinsider.com/google-apple-amazon-facebook-antitrust-hearing-congress-what-to-expect-2020-7

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.