Katër vende të BE arrijnë marrëveshje me kompaninë farmaceutike për 300 milion vaksina
Katër vendet e BE-së arritën një marrëveshje me gjigantin farmaceutik AstraZeneca për furnizimin me të paktën 300 milion doza të një vaksine COVID-19 që është duke u testuar nga Universiteti i Oksfordit.
Lajmi u njoftua të Shtunën nga Ministria e Shëndetësisë e Gjermanisë, e cila komentoi duke thënë se një “veprim i shpejtë, koordinues i një grupi të vendeve anëtare të [BE] krijon vlerë të shtuar për të gjithë në këtë krizë”.
Marrëveshja e nënshkruar nga kompania anglo-suedeze dhe Aleanca përfshirëse e vaksinave e Evropës gjithashtu do të vërë në dispozicion vaksinën për çdo vend të BE që dëshiron të marrë pjesë në iniciativë.
Kostoja pritet të kompensohet nga fondet e qeverive përkatëse në marrëveshje.
Testimi i vaksinës COVID-19 filloi në Mbretërinë e Bashkuar në Prill me mbi 1.000 vullnetarë të shëndetshëm të moshës 18 deri në 55 vjeç. Një raund tjetër me 10,000 vullnetarë filloi në maj.
Kompanitë e tjera, përfshirë kompaninë bioteknike amerikane Moderna dhe kompaninë farmaceutike franceze Sanofi, po ndjekin krijimin e një vaksine koronavirus – e cila është mënyra e vetme e mundshme për t’u rikthyer në mënyrë të sigurt në “jetën normale” në botën pas COVID-19.(Euronews)
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.