KE konfirmon se AstraZeneca s’ka detyrim kontraktual ndaj Anglisë – “Duhet të përmbushë detyrimet ndaj Evropës”

Komisioni Evropian ka mohuar që AstraZeneca ka një detyrim kontraktual ndaj Mbretërisë së Bashkuar që do të parandalonte një shpërndarje të plotë të dozave Covid-19, duke thelluar problemet e kompanisë farmaceutike anglo-suedeze pasi Gjermania dhe Kanadaja u bënë vendet e fundit që kufizojnë vaksinën e saj për të moshuarit mbi lidhje të dyshuara me një çrregullim të rrallë të mpiksjes së gjakut.

Një zëdhënës i Komisionit Evropian të martën kundërshtoi pretendimin e sekretarit të shëndetësisë në Mbretërinë e Bashkuar Matt Hancock se marrëveshja e AstraZeneca me Britaninë justifikonte dërgesat në Mbretërinë e Bashkuar.

“AstraZeneca na konfirmoi se nuk ishim nën asnjë detyrim ndaj palëve të tjera që do të pengonin për të përfunduar përmbushjen e detyrimeve të saj”, tha zëdhënësi në një konferencë shtypi.

Vaksina e zhvilluar nga Oksfordi është një gur themeli i imunizimit në MB dhe BE, e cila ka blerë 400 milion doza, si dhe iniciativën e mbështetur nga KB Covax, e cila synon të shpërndajë vaksinat në vendet e varfëra.

D.B – SCAN
Burimi: The Guardian

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.