KE publikon Indeksin e Konkurrueshmërisë së Rajoneve – Kryesojnë zonat e veriut të Europës
Komisioni Europian ka publikuar sot botimin e tretë të indeksit të konkurrueshmërisë për 263 rajone të Bashkimit Europian. Ky studim ofron statistika të rëndësishme për rajonit, të cilat do t’i ndihmojnë në rritjen e performancës së tyre ekonomike.
Me konkurrueshmëri rajonale nënkuptohet aftësia e rajoneve për të ofruar një mjedis tërheqës dhe të qëndrueshëm për bizneset dhe rezidentët për të punuar dhe jetuar.
Siç duket edhe nga pjesa e hartës ku dominon ngjyra e gjelbër, veriu i Europës së bashku me tërësinë e plotë territoriale të Gjermanisë përfaqësojnë zonat më të mira.
Botimet për këtë indeks bëhen në cikle tre vjeçare, dhe ndryshimi i këtij viti është ofrimi i një mjeti interaktiv online me analizat e detajuara për çdo rajon si dhe mundësinë për të bërë krahasime.
Rezultatet e 2016-ës janë në linjë me ato të vitit 2013, ndërsa nxitëse kryesore të konkurrueshmërisë duket se janë qendrat metropolitane dhe me kapital të fortë.
Rritje në indeks kanë patur Malta si dhe disa rajone në Francë, Gjermani, Suedi, Portugali dhe Mbretërinë e Bashkuar. Ndërsa rajonet të cilat kanë rënie janë Qipro, Greqia, Irlanda dhe disa rajone në Holandë.
Në shumicën e rajoneve lindore, konkurrueshmëria ka mbetur e qëndrueshme.
Harta e plotë e indeksit dhe vlerësimet për çdo rajon: kliko këtu.
Angelo Haruni/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.