KE vlerëson sektorin bankar – Raporti për T1: Stabiliteti i sektorit vijon përmirësimin
Komisioni europian ka publikuar së fundmi edhe ecurinë ekonomike për tremujorin e parë të vendeve kandidate dhe atyre potencialisht kandidate, mes të cilave edhe Shqipëria. Në pjesën dedikuar sektorit financiar, institucioni flet për një rimëkëmbje të kreditimit në sektorin privat. Kreditimi ndaj biznesit dhe familjeve është përshpejtuar thotë raporti. Sa i përket normave të interesit për kreditë e reja, interesi mesatar fiksohet në 6.3% për huatë në lek dhe 4.2% për huatë në euro.
Në tërësi, stabiliteti i sektorit bankar ka vijuar të përmirësohet në tremujorin e fundit të vitit të kaluar ndërkohë që normat e fitimit janë stabilizuar. Norma e kredive jo-performuese mbi totalin e kredisë ra në 8.3% në janarin e këtij viti, 3 pikë përqindje rënie krahasuar me të njëjtën periudhë të vitit të kaluar”,-thotë mes rreshtave Komisioni Europian. Paçka se regjistrohet një rënie e normave të likuiditetit, ato mbeten bindshëm përtej nivelit të një viti më parë, apo edhe niveleve të kërkuara, nënvizon Komisioni Europian.
Roel Korkuti / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.