Këmbimi valutor, Sterlina e mbyll javën në rritje – Euro zbret në 124 lekë, Dollari i pandryshuar

Java është mbyllur mjaft mirë për paundin britanik, e cila ka zhvlerësuar monedhën vendase pothuajse gjatë gjithë javës. Sterlina është forcuar sot me 0.3 lekë për njësi dhe këmbehet sot në pikat e këmbimit valutor për 143 lekë në blerje dhe 144 lekë në shitje.

Ndërkohë, vijon të mbetet ende e paqartë situata e valutës së eurozonës, e cila këtë të premte ka vijuar rënie. Euro ka regjistruar një rënie me 0.3 lekë për njësi kundrejt monedhës kombëtare dhe këmbehet sot për 124 lekë në blerje dhe 124.8 lekë në shitje.

Nga ana tjetër, dita e premte nuk ka regjistruar luhatje në vlerën e dollarit amerikan, i cili vijon të mbetet në kuotën e një dite më parë, 109.5 lekë.

E pa ndryshuar ka mbetur edhe vlera e dollari australian në tregun e këmbimit valutor vendas. Ndërsa ka një rritje të lehtë dollari kanadez me 0.3 lekë për njësi, për t’u ngjitur në kuotën e 82 lekëve.

Ndërsa, franga zvicerane nga ana tjetër ka pësuar një humbje të konsiderueshme me plot 1 pikë kundrejt lekut dhe këmbehet ditën e sotme për 109.5 lekë në blerje dhe 110 lekë në shitje.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.