Kembrixh: Ekonomia globale mund të humbasë shumën marramendëse të 82 trilion dollarëve në 5 vite, si pasojë e pandemisë
Ekonomia globale mund të humbasë 82 trilionë dollarë prej pandemisë koronavirus gjatë pesë viteve të ardhshme, sipas gjetjeve të fundit nga një departament i Universitetit të Kembrixhit që shqyrton rreziqet sistematike.
Këto parashikime të kostos bazohen në vëllimet e produktit të brendshëm bruto të vitit 2019 që qëndronin në 69.2 trilion dollarë për 19 ekonomitë kryesore në botë. Kontrasti, në krahasim, është dukshëm masiv.
Qendra për Studime të Riskut Sistematik në Shkollën në Universitetin e Kembrixhit përcaktoi që sasia e mundshme e parave që do të humbasin është midis asaj që ajo e quan një “humbje optimiste” prej 3.3 trilion dollarë në rast të rikuperimit të shpejtë, dhe 82 trilion dollarë në rast të një depresioni ekonomik.
Për të konkretizuar ndikimin e mundshëm në disa nga ekonomitë kryesore globale, parashikimet e mëposhtme të humbjeve pesë-vjeçare shtuan më shumë kontekst
SHBA: Rasti më i mirë: 550 miliardë dollarë (0.4% e PBB-së). Rasti më i keq: 19.9 trilion dollarë (13.6%)
MB: Rasti më i mirë: 96 miliardë dollarë (0.46%). Rasti më i keq: 2.5 trilion dollarë (16.8%)
Kina: Rasti më i mirë: 1 trilion dollarë (0.9%). Rasti më i keq: 19 trilion dollarë (16.5%)
Qendra ishte e prirur të theksonte se statistikat e saj nuk janë parashikime për atë që do të ndodhë, por parashikime për atë që mund të ndodhë. Ata gjithashtu nuk kanë për qëllim të pasqyrojnë një tkurrje ekonomike, por më shumë rrezikun potencial të PBB-së.
D.B – SCAN
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.