“Kemi aftësi të paguajmë borxhin”, kryeministri konferencë për ekonominë: “Ulëm ndjeshëm taksat”
Ekonomia ishte në fokus të konferencës së kësaj të marte nga kryeministri Edi Rama dhe ministrja e financave Anila Denaj. I pyetur nga TV SCAN për nivelin e borxhin dhe mënyrat për ta ulur, kryeminstri tha se problem nuk është niveli I borxhit, por aftësia për ta shlyer.
“Kini parasysh një gjë, nuk është borxhi problemi por kapaciteti për ta financuar dhe kapacitetet tona janë më të larta se asnjëherë tjetër. Mund të ketë pasur borxh më të ulët se kaq dhe nuk ka pasur kapacitet financimi dhe ka rrezikuar kolapsin e vendit. Në vitin 2013 Shqipëria rrezikonte të shkonte në kolaps dhe në kontaktin e parë që kemi pasur me FMN, Shqipëria nuk kishte më të paguante rrogat dhe pensionet, ashtu siç ishin dhe gjëja e parë që na është kërkuar ishte ti ulnim ato.” – tha kryeministri.
Në lidhje me taksat kryeministri edhe njëherë përsëriti se qeveria socialiste ka ulur taksat ndjeshëm dhe biznesi I vogël është një nga përfituesit më të mëdhenj të këtyre masave.
“Zerimi i taksës për biznesin e vogël është një gur I rëndësishëm kilometrik në rrugën tonë drejt të ardhmes dhe përbën një nga pikat më domethënëse të ndryshmit të madh në qasje, në veprim dhe në rezultat me palën tjetër që sot ripredikon taksën e sheshtë duke kërcënuar më të dobëtit me rikthimin në kohën kur 100% e biznese3ve paguani tatim-fitimi 10% dhe TVSH, ndërsa sot 91% e bizneseve paguajnë 0 tatim-fitimi dhe 0 TVSH.” – u shpreh shefi i qeverisë.
Në lidhje me vaksinimin, kryeministri tha se shumë shpejt do të fillojë vaksinimi në masë i popullsisë.
Arbër Hitaj / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.