Kënaqësia dhe lumturia nuk janë e njëjta gjë – Ky është ndryshimi!

Njerëzit që përpiqen t’ju shesin një makinë të re, një telefon të bukur apo një shtëpi të madhe mund t’ju bëjnë të besoni se paratë mund të blejnë një lumturi të madhe por truri juaj e di se kjo nuk është e vërtetë.

Është e vërtetë që paraja ble kënaqësinë por jo lumturinë.

Nëse jeni të hutuar dhe nuk bëni dot ndryshimin midis kënaqësisë dhe lumturisë, nuk jeni të vetmit.

Edhe fjalorët e motorëve të kërkimit bëhen paksa të hutuar kur përmenden këto të dyja.

Nëse shkruani në Google fjalën “kënaqësi” përkufizimi i parë që ju shfaqet është “një ndjenjë kënaqësie dhe lumturie”.

Por shkencëtarët që studiojnë hormonet thonë se truri ynë mund të tregojë dallimin midis një nxitimi të shpejtë kënaqësie dhe kënaqësisë afatgjatë, gjë e cila përcakton lumturinë.

Nëse gjithë jetën tuaj ju është thënë se kënaqësia është lumturi atëherë kjo është tërësisht e gabuar.

‘Teknologjia është stimuluese e dopaminës. Cdo gjë që shkakton dopaminë në rritje ka dhe pikën e saj përfundimtare, varësinë”, tha Lustig për Business Insider.

Kjo nuk do të thotë se teknologjia punon në trurin tonë pikërisht si një problem me alkolin apo drogën sepse me teknologjinë, për sa kohë që ne e dimë, nuk ka simptoma të tërheqjes viscerale, sikur nervozizmi ose dhimbje koke, nëse e fikni telefonin tuaj.

Megjithatë, ekziston një varësi që ne kemi zhvilluar në telefonat tona, që është ndryshe nga një ndjenjë e kënaqësisë apo paqes.

Dopamina është ajo që çlirohet kur ne ndjejmë kënaqësi por është serotonina ajo që çlirohet kur ne ndjejmë lumturi.

Por cilat janë dallimet midis serotoninës dhe dopaminës?

Siç mund ta shihni në foton e mësipërme, serotonine përhap sinjale lumturie në shumë pjesë të ndryshme të trurit, duke prekur të paktën 14 receptorë të ndryshëm.

Shkencëtarët si Lustig mendojnë se kjo është pjesë e arsyes pse lumturia mund të ndihet në mënyra kaq të ndryshme: ndjenjat e gëzimit, dashurisë dhe kënaqësisë mund të nxiten gjatë ndërveprimeve të ndryshme që serotonina ka me receptorët në pjesë të ndryshme të trurit.

Dopamina, nga ana tjetër, ka vetëm pesë receptorë të trurit.

Neurotransmetuesi ndërvepron me këto receptorë për të ushqyer ndjenjat e dëshirës dhe motivimit.

Dopamina është e përfshirë në rregullimin e shumë gjërave në trurin tonë si: shpërblime, motivim, kënaqësi, ka edhe disa prova që përfshihen në halucinacione të shëndetshme.

Por për shkak të ciklit të motivimit dhe shpërblimit, që ofron ajo kurrë nuk do të na bëjë vërtet të lumtur ose të kënaqur, duke u ndjerë sikur kemi mjaftueshëm dhe ne jemi të mjaftueshëm.

V.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.