Keni harruar fjalëkalimin? – Facebook teston teknologjinë e njohjes së fytyrës për zhbllokimin e llogarive

Rrjeti social Facebook duke hulumtuar teknologjinë e njohjes së fytyrës si një mënyrë për të verifikuar përdoruesit.

Së shpejti përdoruesit e rrjetit social do të mund të hapin llogaritë tyre pa fjalëkalim vetëm me anë të  identifikimit të fytyrës.

Një numër i vogël përdoruesish kanë akses në këtë opsion i cili është projektuar si një alternativë e verifikimit me email që përdoret për të rivendosur përsëri një fjalëkalim në mënyrë që ta rimerrni llogarinë.

Facebook është ndër kompanitë e fundit teknologjike që po fillon të përdorë identifikimin e fytyrës për të hapur llogarinë. pasi tashmë u bë mjaft kohë që Apple dhe Samsung e kanë lançuar këtë opsion.

Por në ndryshim nga këto kompani Facebook ka përparësinë e një sasie të madhe të dhënash për identifikimin e fytyrës bazuar në fotot e profilit.

Megjithëse ky opsion mund të mos tingëllojë si një gjejtje dhe se Facebook është mbrapa nuk duhet të harrojmë se në një farë mënyre kompania e ka përdorur teknologjinë e njohjes së fytyrës për vite me radhë kur bënte sugjerimet për tag.

Facebook skanon imazhin për të provuar dhe zbuluar fytyrat që i njeh nga profilet e miqve tuaj, përpara se të sugjerojë një etiketë.

V.Hydi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.