Keni menduar ndonjëherë të fluturoni në këmbë?!- Ja kompania ajrore e cila sjell këtë risi në treg
Ndonjëherë, duket sikur linjat ajrore tashmë kanë hequr gjithçka që munden, për të gjithë pasagjerët që fluturojnë në klasën ekonomike, për ta bërë fluturimin sa më të lirë por aspak komod. Avion Interiors, ka nxjerrë në treg një variant i ri, i cili bazohet në konceptin e “vendeve në këmbë.”
Me dizajnin, të quajtur SkyRider, udhëtarët do të mbaheshin gjatë fluturimit, nga një shalë e vogël mbështetëse, e cila duket sikur një vend me biçikletë pak më të madhe dhe më komode. Është e lidhur me një shtyllë të bashkangjitur në tavan dhe në dysheme, dhe ka gjithashtu mbështetje nga mbrapa. Sipas kompanisë, pajisja “siguron një pozicion më të lartë drejtues të udhëtarëve, duke lejuar instalimin e sediljes në një hapësirë të reduktuar”.
Avion Interiors, krijuesi i kësaj tendence, ende nuk ka zbuluar se sa më e vogël do të jetë hapësira e këtyre sediljeve, por dizajni ka për qëllim të ndihmojë kompanitë ajrore të mbartin 20 përqind më shumë pasagjerë në një avion. Vendet gjithashtu kërkojnë mirëmbajtje minimale për shkak të një numri të reduktuar të komponentëve, sipas faqes së internetit të Avion Interiors. E gjithë kjo mund përkthehet dhe në fitime në rritje për linjat ajrore.
Por është e paqartë se sa pasagjerë do të mund të zgjidhnin të fluturonin në këmbë, prandaj ekspertët nuk janë optimistë për suksesin e kësaj risie.
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.