“Kërcejnë” çmimet e naftës – Arrijnë në 100$ për fuçi në 2019
Çmimet e naftës mund të rriten në 100 dollarë për fuçi deri në vitin 2019, ndërkohë që sanksionet amerikane kundër Iranit po shtrëngojnë tregjet thanë tregtarët e mëdhenj si Trafigura dhe Mercuria në konferencën vjetore të Azisë Paqësore të Naftës (APPEC) në Singapor.
Bashkëthemeluesi i kompanisë Mercuria Energy Group, Daniel Jaeggi tha se çmimet mund të rriten në mbi 100 dollarë për fuçi në tremujorin e katërt sepse tregu nuk ka shumë kapacitet për të zëvendësuar më shumë se 2 milionë fuçi në ditë të eksporteve iraniane. Kjo është arsyeja pse në këtë periudhë kohe pothuajse 2 milionë fuçi nafte të papërpunuar në ditë mund të hiqen nga tregu. Një nga kryetarët e tregtisë së naftës, Trafigura Group, Ben Luckock mendon së çmimet e naftës do arrijnë në $ 90 për Krishtlindje dhe më pas 100 dollarë në fillim të vitit 2019.
e.t/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.