Kërcënimi i Trump për taksën mbi automjetet europiane, mund të jetë një ‘Kalë Troje’
Beteja e ardhshme e tregtisë së presidentit Donald Trump mund të përfshijë taksa të reja të SHBA-së për importin e automjeteve nga Europa, por kjo nuk do të ishte në të vërtetë qëllimi përfundimtar i Shtëpisë së Bardhë, tha një nga ekspertët të mërkurën.
Në vend të kësaj, një lëvizje e tillë do të ishte një lloj “Kalë i Troje” për një marrëveshje më të madhe në bujqësi, sipas David Hauner, kreu i strategjisë ndërsektoriale dhe ekonomisë për Europën, Lindjen e Mesme dhe Afrikën, në Bankën e Amerikës Merrill Lynch.
Tani që Trump ka imponuar më shumë tarifa për mallrat kineze, të gjithë sytë po kthehen në një luftë tregtie mes SHBA-ve dhe Europës. Presidenti kishte kërcënuar që vitin e kaluar se do të ‘godiste’ me një taksë prej 25% në importet e makinave nga Bashkimi Europian.
Të hënën e kaluar, rezervat e makinave europiane ranë më shumë se 3% pas njoftimit të Trump gjatë fundjavës.
Sipas Zyrës së Përfaqësuesit Tregtar të Shteteve të Bashkuara (USTR), importet e SHBA-ve për produktet bujqësore të konsumuara nga vendet e BE-së arritën në 23.9 miliardë dollarë në vitin 2018, ndërsa eksportet e mallrave bujqësore të SHBA-së në BE ishin 13.5 miliardë dollarë.
Importet e makinave nga vendet e BE ishin me vlerë 56.4 miliardë dollarë. Në përgjithësi, deficiti i tregtisë së mallrave të SHBA me vendet e BE ishte 169.3 miliardë dollarë në 2018, një rritje prej 11.8% gjatë 2017, sipas USTR.
Çdo taksë e SHBA për makinat europiane do të godiste veçanërisht industrinë e automobilave të rëndësishme të Gjermanisë. Shtetet e Bashkuara janë destinacioni i eksportit më i rëndësishmi për Gjermaninë pas bllokut të vendeve të BE-së.
Burimi: CNBC
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.