Kërkesa botërore për ar – WGC: Nuk është rimëkëmbur ende plotësisht nga pandemia
Kërkesa botërore e arit është rritur në tremujorin e dytë në nivelin më të lartë në 1 vit, ndërkohë që bankat qendrore dhe investitorët kanë rritur blerjet, sipas Këshillit Botëror të Arit. Megjithatë, ndërkohë që shitja e stolive po ndien ende vështirësi nga pandemia, përdorimi i arit në gjysmën e parë të vitit ishte në nivelin më të ulët që prej 2008-s, sipas raportit tremujor të organizatës. Kërkesa për dyqanet e stolive dhe bankat qendrore ra kur nisi të përhapjen koronavirusi në vitin e kaluar, duke përkeqësuar financat shtetërore, mbyllur dyqane dhe goditur të ardhurat.
Kjo u kompensua fillimisht ndërkohë që investitorët e mëdhenj në Europë dhe SHBA nisën ta blejnë metalin e çmuar si një aktiv mbrojtës, për të ruajtur pasuritë. Ata blenë sasi gjigante të arit, duke i çuar çmimet për një moment të shkurtër sipër 2,000 dollarë për onz dhe ndalun kur ekonomitë nisnë të rimëkëmben. Gjatë tremujorit të dytë, kërkesa botërore për ar ishte 955.1 ton, në rënie nga 960.5 ton në të njejtën periudhën jë vit më parë.
Kërkesa në gjysmën e parë 2021 arriti në 1,833.1 ton, në rënie nga 2,044 ton në vitin 2020. Gondet e listuara në bursë, që ruajnë arin për investitorë të mëdhenj, kanë shtuar blerjet në tremujorin e dytë, pasi i tkurrën shpejtë në 2 tremujorët e mëparshëm. Bankat qendrore kanë blerë gjithashtu nivelin më të lartë të metalit të çmuar në 2 vite. Megjithatë, kërkesa na dyqanet e stolive dhe investitorët në shufra dhe monedha ka qëndruar e ulët krahasuar me T1, por në rritje nga e njetja periudhë një vit më parë. Organizata theksoi se pret që kërkesa botërore për stoli për vitin e plotë të jetë poshtë niveleve të para pandemisë.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.