Kërkesa e 9 deputetëve në Kuvend: Rritje të re pagash për Policinë e Shtetit në 2018! Shtohen 2 grada, përfitojnë 2135 punonjës
9 deputetë të mazhorancës kanë depozituar në Kuvend disa amendamente për ligjin e Policisë së Shtetit, ku propozohet që në hierarkinë e gradave në polici të shtohen edhe gradat “Inspektor i dytë” dhe “Inspektor i parë”.
Shtimi i këtyre dy gradave do të sjellë efekte financiare shtesë në buxhetin e Policisë së Shtetit. Bazuar në kriteret e përcaktuara në projektligji, parashikohet që grada “Inspektor i parë” t’iu jepet rreth 1000 punonjësve, ndërsa “Inspektor i dytë” rreth 1135 punonjësve, raporton SCAN.
Për punonjësit e policisë të cilëve do t’u jepet grada “Inspektor i parë”, parashikohet që paga për gradë të bëhet 54, 500 lekë, aq sa ishte paga për grade e kryeinspektorit. Efekti financiar i përllogaritur për gradën “Inspektor i parë” është 66 milion lekë. Shtesa prej 5,500 lekë, përllogaritet referuar pagës për gradë prej 54,500 lekë të parashikuar për gradën “Inspektor i pare”, minus pagën për gradë prej 4,900 lekë që marrin aktualisht këta punonjës të cilët mbajnë gradën “Inspektor”.
-Për punonjësit e policisë të cilëve do t’u jepet grada “Inspektor i dytë”, parashikohet që paga për gradë të bëhet 52,000 lekë. Efekti financiar i përllogaritur për gradën “Inspektor i dytë” është 40,860,000 lekë. Shtesa prej 3,000 lekë, përllogaritet referuar pagës për grade prej 52,000 leke to parashikuar për gradën “Inspektor i dyte”, minus pagën për gradë prej 4,900 lekë që marrin aktualisht këta punonjës të cilët mbajnë gradën “Inspektor”.
Efekti total financiar që rrjedh nga zbatimi i këtij projektligji përllogaritet në shumën 106,860,000 leke (66,000,000 lekë për gradën “Inspektor i parë + 40,860,000 lekë për gradën “Inspektor i dytë”).
Duke qenë se ky efekt nuk është parashikuar në buxhetin e Policisë së Shtetit të vitit 2017, në projektligj parashikohet që hyrja në fuqi e neneve 6, 7 dhe 9 to cilat parashikojnë shtimin e gradave “Inspektor i dytë” dhe “Inspektor i parë” të bëhet me 1 Janar 2018, me qëllim planifikimin e fondeve përkatëse në programin buxhetor të Policisë së Shtetit për vitin 2018.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.