Kërkimi Shkencor/Nisin aplikimet. Vlera e projektit arrin në 10 mln lekë
Ka nisur aplikimi për projektet kombëtare të kërkimit dhe të zhvillimit për vitet 2018-2020.
Ministria e Arsimit Rinisë dhe Sportit i bënë thirrje të gjithë institucioneve të Arsimit të lartë publik dhe jo publik të akredituara, po ashtu edhe Institutet, Akademitë dhe Qendrat publike kërkimore Shkencorë që të marrin pjesë nëpërmjet aplikimit për projektet në 6 fushat që ofrohen të cilat janë Shkencat Sociale dhe Albanologjike, Sistemet dhe Teknologjitë e Informacionit, Biodiversiteti dhe Mjedisi, Bujqësia, Shëndetësia, Uji dhe Energjia.
Ministra e Arsimit bënë të ditur se dokumentacioni për institucionet e interesuara që dëshirojnë të aplikojnë duhet të dorëzohet pranë zyrës së protokollit të Agjencisë Kombëtare të Kërkimit Shkencor dhe inovacionit dhe afati i fundit për aplikimin është data 10 shtator 2018.
Prioritet do të kenë ato projekte të cilat kanë marrëveshje bashkëpunimi me sektorin e biznesit dhe inovacionin si dhe ato që lidhen më prioritetet strategjike të fushave të mësipërme.
Sipas thirrjes së bërë publike nga ministria bëhet e ditur se projekti do të zgjasë 2 vite dhe vlera maksimale e financimit të tij është 10 milion lekë.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.