“Këshilla nga ekspertë” – Ja si mund të gjeni fluturime të lira drejt Evropës këtë verë
Udhëtarët të cilët nuk e kanë problem eksplorimin e destinacioneve jashtë sezonit mund të gjejnë lehtësisht dhoma me çmime të ulëta, si dhe bileta udhëtimi me çmime mjaft tërheqëse.
Por nëse doni të përjetoni një destinacion si Evropa gjatë muajve të verës apo në pikun e sezonit mund të jetë e vështirë që të gjeni një udhëtim tërheqës sidomos përsa i përket çmimit.
Megjithatë me anë të disa strategjive, mund të gjeni fluturime të lira për në Evropë edhe gjatë muajve të verës apo pikut të sezonit.
- Zgjidhni një kohë të lirë për të udhëtuar
Nëse dëshironi që udhëtimi juaj të ndodhë patjetër në verë, atëherë sigurohuni që të ndoshë ose javën e parë të qershorit ose pas mesit të gushtit. Në këtë dy periudha është e sigurt se do të gjeni fluturime më të lira. Sipas CheapAir.com muajt më të lirë për të fluturuar gjatë sezonit të verës janë muaji maj dhe fundi i gushtit.
- Prenotojini biletat të paktën 47 ditë më përpara
Sa më shumë të afrohen muajt e verës aq më shumë rriten çmimet e biletave, kështu që mënyra më e mirë është t’i rezervoni ato shumë kohë më përpara. Sipas një studimi të kohëve të fundit nga CheapAir.com udhëtarët që duan të fluturojnë gjatë muajve të verës duhet t’i prenotojnë biletat e tyre të paktën 47 ditë përpara. Por nëse dëshironi që çmimi të jetë akoma më I ulët duhet të filloni të shikoni për bileta 160 ditë përpara.
- Zgjidhni një destinacion jo shumë të populluar
Aeroplanët mund të kursejnë më shumë nëse fluturojnë në aeroporte më pak të njohura. Ju mund të fluturoni në këto aeroporte e më pas të shkoni në destinacionin tuaj me një mënyrë tjetër transporti.
- Fluturoni gjatë javës, jo në fundjavë
Nëse keni fleksibilitet për ditën se kur mund të udhëtoni atëherë do të bënit mirë të fluturonit gjatë ditëve të javës. Mund të kurseni të paktën 76 $ dollarë vetëm nga dita juaj e fluturimit.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.