Këshilli i Ministrave miraton fondin për KQZ për zgjedhjet parlamentare, financimet e partive dhe zgjedhjet e Kavajës
Qeveria ka miratuar fondin për Komisionin Qendror të Zgjedhjeve prej 133 milionë lekësh, për organizimin e zgjedhjeve parlamentare.
Ndërkohë fondi i përcaktuar për partitë politike për zgjedhjet e 18 Qershorit është akorduar në shumën e 65 milionë lekëve. Kjo shumë është miratuar nga Kuvendi më datën 27 prill.
Një buxhet shtesë prej 7 milionë e 290 mijë lekësh do t’i akordohet KQZ për organizimin e zgjedhjeve të pjesshme vendore në Bashkinë e Kavajës, që do të zhvillohen këtë të diel më 7 Maj.
Kështu, në total, është një fond prej 205 milionë e 290 mijë lekësh, i cili i akordohet institucionit të zgjedhjeve, nga fondi rezervë i buxhetit të Shtetit për vitin 2017.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.