Këshilli i Ministrave shpall 18 zona të reja për ndërtimet! 9 prej tyre janë në Tiranë (Lista)
Këshilli i Ministrave ka shpallur 18 Zona të reja për zhvillim! Ministri për Rindërtimin Arben Ahmetaj tha se çështja e rindërtimit në territoret e tyre përkatëse ka marrë rrugën ligjore dhe shpejtësinë e duhur.
“Bëhet fjalë për një proces të plotë dhe gjithëpërfshirës, që përfshin hartimin e masterplaneve, planeve të detyruara vendore dhe modeleve të banesave individuale. Enti Kombëtar i Banesave ka hapur garën për modelet e shtëpive, pra njësive individuale të banimit” tha Ahmetaj.
Ministri tha se deri në mbyllje të orarit zyrtar do të firmoset kontrata për hartimin e modeleve e në datën 6 shkurt do të jenë modelet, që njësitë zbatuese FSHZH dhe Bashkia Tiranë do të fillojnë një proces ligjor të hapur zbatimi.
“Pra, nga prokurimi deri tek vendosja e shtëpisë, ose në zonat e reja rurale, ose në vendin ku ndodhen aktualisht shtëpitë e dëmtuara që do të rindërtohen me modelet e reja bashkëkohore, antisizmike” tha Ahmetaj.
Ndërkohë, ministri u bëri apel qytetarëve dhe njësive vendore, që të përshpejtojnë procesin e aplikimit në platformën elektronike. Ministri evidentoi se është proces ligjor i domosdoshëm që të kalohet në hapat e tjera, që nga përfitimi i granteve deri tek përfitimi i metrave katrorë që do të jetë i domosdoshëm edhe për planifikimin.
“Deri më sot janë hapur 75 zyra dhe janë 130 punonjës në dispozicion të qytetarëve. U njoftova që në vetëm dy ditë kanë aplikuar mbi 200 familje, ju lutem të dashur qytetarë, aplikoni sa më shpejt. Procesi është fare i thjeshtë, i keni bashkitë, njësitë administrative gjithashtu, kryepleqtë dhe punonjësit e bashkive, zyrat e rindërtimit, por edhe mua personalisht e stafin tim në dispozicion për të ecur sa më shpejt me procesin e aplikimit në platformën elektronike” vijoi ministri.
Vendimet:
- Për shpalljen e zonës së re për zhvillim në njësinë administrative Shijak, bashkia Shijak dhe caktimin e Fondit Shqiptar të Zhvillimit si njësi zbatuese.
- Për shpalljen e zonës së re për zhvillim në njësinë administrative Laç, bashkia Kurbin dhe caktimin e Entit Kombëtar të Banesave si njësi zbatuese.
3.Për shpalljen e zonës së re për zhvillim në njësinë administrative Thumanë, bashkia Krujë dhe caktimin e Fondit Shqiptar të Zhvillimit si njësi zbatuese.
- Për shpalljen e zonës së re për zhvillim në njësinë administrative Laç, bashkia Kurbin dhe caktimin e Fondit Shqiptar të Zhvillimit si njësi zbatuese
- Për shpalljen e zonës së re për zhvillim në njësinë administrative Bubq, bashkia Krujë dhe caktimin e Fondit Shqiptar të Zhvillimit si njësi zbatuese
- Për shpalljen e zonës së re për zhvillim në njësinë administrative Fushë –Krujë , bashkia Krujë dhe caktimin e Fondit Shqiptar të Zhvillimit si njësi zbatuese
7.Për shpalljen e zonës së re për zhvillim në njësinë administrative Durrës, bashkia Durrës dhe caktimin e Fondit Shqiptar të Zhvillimit si njësi zbatuese.
- Për shpalljen e zonës së re për zhvillim në njësinë administrative Vorë, bashkia Vorë dhe caktimin e Fondit Shqiptar të Zhvillimit si njësi zbatuese
- Për shpalljen e zonës së re për zhvillim në njësinë administrative Kavajë, bashkia Kavajë dhe caktimin e Fondit Shqiptar të Zhvillimit si njësi zbatuese
Bashkia Tiranë 9 zona
- Për shpalljen e zonës së re për zhvillim njësia administrative 4 dhe 8, Zona 5 Maji, bashkia Tiranë dhe caktimin e Bashkisë Tiranë si njësi zbatuese.
- Për shpalljen e zonës së re për zhvillim , njësia administrative 1, Zona Autotraktori, bashkia Tiranë dhe caktimin e Bashkisë Tiranë si njësi zbatuese
- Për shpalljen e zonës së re për zhvillim , njësia administrative 6, Zona Kombinat , bashkia Tiranë dhe caktimin e Bashkisë Tiranë si njësi zbatuese
- Për shpalljen e zonës së re për zhvillim në njësinë administrative 11, Universiteti Bujqësor i Tiranës, bashkia Tiranë dhe caktimin e Bashkisë Tiranë si njësi zbatuese
14.Për shpalljen e zonës së re për zhvillim në njësinë administrative Baldushk, bashkia Tiranë dhe caktimin e Bashkisë Tiranë si njësi zbatuese
15.Për shpalljen e zonës së re për zhvillim në njësinë administrative Ndroq, bashkia Tiranë dhe caktimin e Bashkisë Tiranë si njësi zbatuese
16.Për shpalljen e zonës së re për zhvillim në njësinë administrative Pezë, bashkia Tiranë dhe caktimin e Bashkisë Tiranë si njësi zbatuese.
17.Për shpalljen e zonës së re për zhvillim në njësinë administrative Vaqarr , bashkia Tiranë dhe caktimin e Bashkisë Tiranë si njësi zbatues
18.Për shpalljen e zonës së re për zhvillim në njësinë administrative Zall -herr, bashkia Tiranë dhe caktimin e Bashkisë Tiranë si njësi zbatuese
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.