Këshilli i Lartë i Prokurorisë – Shefja e ONM: Rekomandimet për kandidatët u çuan në Kuvend

Vëzhguesit ndërkombëtarë të Vetting-ut kanë dorëzuar në Kuvend rekomandimet për 4 kandidatët e përzgjedhur nga shoqëria civile për Këshillin e Lartë të prokurorisë. Lajmi është bërë publik nga shefja e Operacionit Ndërkombëtar të Monitorimit Genoveva Ruiz Calavera përmes një postimi në rrjetin social “Twitter”.

#JusticeReform in??#Albania: Observers of International Monitoring Operation deliver recommendations for candidates from #CivilSociety organisations for lay posts in the new High Prosecutorial Council. Crucial to move forward the formation of self-governing bodies in #judiciary pic.twitter.com/qL9iPnBTHT

— Genoveva Ruiz (@CalaveraRuiz) January 12, 2018

“Vëzhguesit e Operacionit Ndërkombëtar të Monitorimit kanë dorëzuar rekomandimet për kandidatët e shoqërisë civile për Këshillin e Lartë të Prokurorisë. Ky proces është vendimtar për të ecur përpara me forimimin e organeve qeverisëse të drejtësisë”, shkruan shefja e ONM në postim. Postimi është shoqëruar me foton e përfaqësuesve të ONM teksa i dorëzojnë raportin Sekretarit të Përgjithshëm të Kuvendit Genc Gjonçaj.

Miratimi i kandidaturave i hap rrugën konstituimit të Këshillit të Lartë të Prokurorisë nga Kuvendi, shkak i përplasjeve të ashpra për postin e Kryeprokurorit të Përgjithshëm. Në muajin mars të këtij viti me shumë gjasa do të ketë përfunduar procesi i konstituimit të KLP-së, i cili në muajin prill do bënte të mundur edhe nxjerrjen nga skena të Kryeprokurores së përkohshme duke vendosur një emër të përhershëm.

L.R./SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.