Këshilltari ekonomik i Trump paralajmëron se PBB-ja mund të bjerë me 30% këtë 3 mujor – Papunësia, rritje si në ‘Depresionin e Madh’

SHBA po ndalet për një rritje negative dyshifrore dhe dëmi i vërtetë do të shihet vetëm më tej në vijim, paralajmëroi këshilltari ekonomik i Trump.

Kevin Hassett, këshilltar ekonomik në Shtëpinë e Bardhë, tha për CNBC se “Ju po shikoni diçka si minus 20% në minus 30% të PBB-së në tremujorin e dytë.”

Hassett gjithashtu pret që niveli i papunësisë në SHBA, që do të publikohet muajin tjetër, të rritet në 16-17%. Papunësia në SHBA ishte 4.4% në Mars, më e larta që nga Gushti 2017 dhe mbi pritjet e tregut.

Komentet e Hassett vijnë disa ditë pasi pretendimet e përjavshme të papunësisë në SHBA arritën në 4.4 milion, duke e çuar totalin e pesë javëve në më shumë se 26 milion.

Hassett i tha CNBC se një rikuperim i shpejtë është i mundur duke supozuar se virusi do të ikë dhe shtetet fillojnë të lehtësojnë bllokimet.

“Nëse virusi fillon të largohet në një mënyrë që shumica e çdo shteti të ndjehet i qetë që është i sigurt për t’u hapur, atëherë ne me të vërtetë mund të jemi duke kërkuar një rikuperim të shpejtë sepse të ardhurat janë akoma atje”, tha ai. (business insider)

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.