Këto shenja tregojnë se nuk po kurseni para mjaftueshëm

Një studim i kryer në SHBA ka treguar se 65% e amerikanëve mund të kursejnë pak ose asgjë, dhe gjysma përfundojnë duke luftuar për mbijetesë në pension. Përveç kësaj, vetëm 39% e amerikanëve kanë kursime të mjaftueshme për të mbuluar një emergjencë prej 1.000 dollarësh. Po ju, a jeni në rrugën e duhur? Për t’ju ndihmuar sadopak, si me poshtë po rendisim disa nga shenjat paralajmëruese të kursimit të parave.

1. Nuk mbani asnjë shënim se sa po harxhoni

A keni ndonjë ide se sa para vijnë për ju çdo muaj dhe se sa nga këto para jeni duke shpenzuar për blerjet e përditshme si kafja, rrobat, shëtitjet dhe dhuratat? Për të kuptuar saktësisht se ku shpenzoni më shumë nga paratë tuaja shënoni blerjet tuaja për disa muaj. Së pari, duhet të shkruani shpenzimet mujore në një fletore ose mund të përdorni një aplikacion e cila do të ruaj dhe kujtojë për shpenzimet tuaja të tilla si “Mint” ose “Capital Personal”.

2. Nuk dini se si të kurseni

Ju nuk mund të shkoni në ndonjë vend, nëse nuk e dini me saktësi se çfarë doni. Është koha të mendoni për atë që dëshironi në lidhje me të ardhmen tuaj dhe më vonë të dilni me qëllimin e duhur për të kursyer. A dëshironi një shtëpi pushimi? Fëmijët? Aftësia për të udhëtuar?

Mendoni për qëllimin e rradhës të cilën do dëshironit ta përmbushnit dhe filloni hiqni mënjanë disa para, mundëshisht kursimin ta bëni në mënyrë të automatizuar nga llogaria juaj në llogarinë e kursimeve.

3. Jetoni me karta krediti

Nëse çdo muaj jeni duke paguar faturat tuaja duke përdorur kartat e debitit apo kreditit, kjo tregon se nuk jeni në rrugën e duhur. Hapi i parë që duhet të merrni është se duhet të rrisni të ardhurat tuaja ose të shpenzoni më pak. Mënyra më e thjeshtë për të rritur potencialin tuaj të fitimit është se duhet të kërkoni për një ngritje page. Gjithashtu mund të gjeni një punë part –time ose të krijoni të ardhura pasive. Nëse po përpiqeni të shpenzoni më pak, filloni duke lexuar strategjitë e kursimit të parave nga njerëz të zakonshëm të cilët mund të kursejnë deri në gjysmën e të ardhurave të tyre.

4. Ju nuk mund të paguani plotësisht bilancin e kartës suaj të kreditit

Nëse nuk jeni në gjendje për të paguar minimumin e kartës së debitit të muajit aktual, kjo do të thotë se po shpenzoni më shumë se sa keni. Analizoni zakonet e shpenzimeve tuaja dhe riktheni ekulibrin. Nëse tashmë ndodheni nën limit, shpenzoni vetëm për gjërat bazike dhe jetike, dhe riktheni në ekuilibër jetën tuaj.

5. Nuk keni një fond emergjence

Jeta nuk ecën gjithmonë siç është planifikuar. Ndoshta një ditë mund të humbni vendin tuaj të punës, të keni një emergjencë mjeksore, apo të blini një makinë të përdorur. Është e rëndësishme të ndërtoni një rrjet sigurie.

Nëse nuk i jepni prioritet fondit tuaj të emergjencës, nuk do të kurseni mjaftueshëm. Eksperti përsonal i financave Dave Ramsey rekomandon fillimin e një fondi emergjence edhe pas trajtimit të borxhit. Ideja është që në qoftë se lind një krizë e jashtëzakonshme apo e papritur, ju nuk duhet të zhyteni në borxhe më të mëdha për ta mbuluar atë. Ramsey argumenton, se nëse kurseni 1000 dollarë menjëherë, kjo është shuma ideale për të pasur fondin tuaj të emergjencës, e cila mund të shërbejë si një hendek i përkohshëm derisa të mos keni borxhe.

Pasi të keni paguar borxhin tuaj, së pari mund të filloni ndërtimin e një fondi më të plotë në mënyrë që të mbuloni shpenzimet e jetesës për një periudhë të rekomanduar nga tre deri në gjashtë muaj.

Ada Xhagolli/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.