Kim Jong Un paralajmëron popullatën: Bëhuni gati për një krizë të vështirë! Po vijnë kohëra si në ‘90
Lideri i Koresë së Veriut Kim Jong-Un i ka kërkuar popullatës që të bëhet gati për një “krizë të vështirë” duke i krahasuar kohët që do të vijnë me urinë që goditi vendin në vitet ’90. Kjo raportohet nga BBC.
Korea e Veriut është e goditur nga sanksionet ndërkombëtare për programin e saj bërthamor dhe ka mbyllur kufijtë për shkak të pandemisë. Nga ana tjetër, edhe shkëmbimet tregtare me Kinën kanë ngecur.
“Na duhet të ndërmarrim një marshim të guximshëm” ka thënë Kim në një konferencë të partisë së punës ndërsa i referohej rënies së Bashkimit Sovjetik që prodhoi një krizë urie në Kore duke shkaktuar vdekjen e rreth 3 milionë personave.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.