Kina, $3 mld për rajonin – Zv/kryeministrja Mesi në “16+1”: Shqipëria e gatshme për projekte
Në Budapest është zhvilluar takimi i gjashtë mes Kinës dhe 16 vendeve të Europës Qendrore dhe Juglindore, në iniciativën që tashmë ka marrë emrin “një rrip një rrugë”. I pranishëm në takim ka qënë kryeministri kinez Li Keqiang dhe ai hungarez, Viktor Orban. Shqipëria ndërkohë është përfaqësuar në takim me zëvendës kryeministren Senida Mesi si dhe me ministrin e Infratsrukturës dhe Energjisë Damian Gjiknuri.
“Shqipëria, e gatshme për të vazhduar angazhimin me projekte konkrete kombëtare dhe ndër-rajonale” -deklaroi zëvendës kryeministrja.
Drejtimet dhe fushat e bashkëpunimit në kuadër të kësaj Nisme, janë në të njëjtën linjë me prioritetet aktuale që ka Shqipëria dhe në shumë prej tyre, vendi ynë ka mundësi për të ofruar dhe realizuar bashkëpunime e përfitime konkrete në fusha të ndryshme si: energjia, infrastruktura, transporti, industria nxjerrëse dhe përpunuese e mineraleve, bujqësia, zonat ekonomike, arsimi, kultura etj.
Në kuadër të samitit, u firmosën 2 marrëveshje bashkëpunimi me Kinën: një në fushën e doganave dhe një në fushën e energjisë, të cilat do të kontribuojnë në zhvillimin e mëtejshëm të marrëdhënieve mes vendeve.
Përveç takimeve të liderëve, samiti u shoqërua edhe me një forum biznesi dhe me takime mes koordinatorëve kombëtarë të çdo vendi. Në të njëjtën kohë, u firmos edhe “Udhërrëfyesi i Budapestit”, i cili do të përforcojë edhe më shumë bashkëpunimin mes vendeve pjesëmarrëse. Kryeministri kinez ndërkohë deklaroi se kina do ti japë rajonmit plot 3 miliardë dollar në formë projektesh.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.